Lan kolektibo bat da eskuetan daukagun liburu hau. Egungo krisi eta aldaketa ikusirik, desobedientziari buruzko liburu bat kaleratu dute, desobedientziaren erabilgarritasuna eta gaurkotasuna aldarrikatzeko: gogoetekin, gomendioekin, ekintza ezagunen protagonistekin, baita hainbat ekintza mota egiteko azalpen zehatzekin ere. Ez da ohiko liburua eskuetan daukazuna. Bonbillak eta estintoreak pinturaz betetzen, trenak margotzen, pertsonak bidoiekin kateatzen, kamerak jokoz kanpo uzten, eta behin hasita, horrenbesteko bihotzeko mina ematen dizun hondeamakina hori nola hondatu ikasteko aukera daukazu. Mundu osoan zehar egin diren ekimen irudimentsuez gain, Euskal Herriko ekintza gogoangarriak nola egin zituzten azaldu dituzte protagonistek elkarrizketa bidez, batzuek lehen aldiz. Garai neoliberal hauetan, desobedientzia da bidea. Izan gaitezen aske.